HUNT FOR HINT-3 is Coming Soon....

அன்பு நண்பர்களே!

உங்களுடைய ஆல் டைம் ஃபேவரிட்  ஹண்ட் ஃபார் ஹிண்ட் கேம்-3  இன்னும் சில வாரங்களில் உங்களை மகிழ்ச்சி வெள்ளத்தில் திணறடிக்க வந்துகொண்டிருக்கிறது!

ஆம்! கடந்த வருடம் உங்களை சுமார் ஒரு வார காலம் உங்கள் கணிணிகளில் கட்டிப்போட்ட “ஹண்ட் பார் ஹிண்ட்” விளையாட்டின் மூன்றாம் பாகம் தயாராகிக்  கொண்டு இருக்கிறது!  

கடந்த வருடம் அதை விளையாடுவதில் நீங்கள் காட்டிய ஆர்வமும், அதை உருவாக்கிய எங்கள் குழுவிற்கு நீங்கள் தந்த  ஆதரவும், உற்சாகமும் எங்கள் டெரர் கும்மி குழுவை மகிழ்ச்சி வெள்ளத்தில் ஆழ்த்தியது! ஆகவே, கடந்த வருடத்தை விட இன்னும் சிறப்பாக, மேலும் செம்மையாக இந்த கேமை வடிவமைத்து கொண்டு இருக்கின்றார்கள் எங்கள் தொழில்நுட்ப குழுவினர்! கடந்த வருடத்தைப் போலவே, ஏன் அதைவிட அதிகமாகவே இந்த மூன்றாம் பாகம் உங்களை பல வித வழிகளில் ஆச்சரியபடுத்தவும்  உங்களை குழப்பி உங்கள் மூளையை சுற்றவிடவும் செய்யும் என்பதில் எள்ளளவும் சந்தேகம் இல்லை! 

அதனால் மிகவும் கவனத்துடனும் உஷாராகவும் உங்களைத் தயார்படுத்திக்கொள்ளவேண்டிய தருணம் வந்து விட்டது. உங்கள் நண்பர்களுக்கும் இதை அறிமுகப்படுத்தி அவர்களையும் விளையாட தயார்படுத்துங்கள்! ஆனால் நண்பர்களோடு கூட்டாக விளையாடுவதைத் தவிர்த்துக் கொள்ளவும்! இந்த கேம் பற்றியோ அல்லது வேற ஏதேனும் சந்தேகம் இருந்தாலோ terrorkummi@gmail.com ல் தொடர்பு கொள்ளுங்கள். உங்களுக்காக  உதவக் காத்திருக்கின்றோம்!

மேலும் விபரங்களை உடனுக்குடன் உங்களுக்கு தெரியப்படுத்துகிறோம்! எங்களோடு www.terrorkummi.com இல் தொடர்ந்து இணைந்திருங்கள்!

கடந்த வருடம் விளையாடியவர்களிடம் இருந்து இந்த கேமை மேம்படுத்த மேலான ஆலோசனைகளையும் கருத்துகளையும் எதிர்பார்க்கின்றோம்! ஆகவே அதையும் தயங்காமல் மேலே குறிப்பிட்ட அந்த மின்னஞ்சலுக்கு அனுப்புங்கள்! புதியவர்களும் ஆலோசனைகள் அனுப்பலாம்.  

இனி என்ன? வேட்டை ஆரம்பம்தான்!

நன்றியுடன்,

டீம் HFH-3

Hunt For Hint பற்றி மேலும் விவரங்கள் அறிய இங்கு செல்லுங்கள்....

========================================================================

Hi Hunters,

"Hunt for Hint 3" is on its way! Yes, you read it right, we are back to play with your minds again. The game that had left you frozen/clenched in your seats for a week last year is back to strain your grey cells.

Look out for further details soon in www.terrorkummi.com....

Now, what do we say about “Hunt for Hint 3"? Your interest and immense support has driven our designer team crazy to produce an even colorful and mind blowing game. We are pretty sure that this year too we will be able to keep you captivated. Moreover did we mention that you need to be more proactive this time? we bet, it will squeeze you out.:)

Feel free to mail us terrorkummi@gmail.com if you have any doubts about this game!

Since you are one of the best participant in last year's game, We are Looking forward to your suggestions and ideas to make the game more interesting.

Start Hunting!

Thanks and Regards

Team HFH-3

To Know more about Hunt For Hint... Click here...

டெரர் கும்மி விருதுகள் 2011: போட்டி முடிவுகள்!

அனைவருக்கும் வணக்கம்,

மீண்டும் ஒரு முறை ஒரு சந்தோசமான அறிவிப்போடு உங்களைச் சந்திப்பதில் எங்களுக்கு மகிழ்ச்சியே. கடந்த டிசம்பர் மாதம் எங்களின் டெரர் கும்மி ஓராண்டு நிறைவு நாளை ஒட்டி நாங்கள் அறிவித்த டெரர் கும்மி விருதுகளுக்கு நீங்கள் அனைவரும் அளித்த ஆதரவிற்கு முதலில் நன்றி சொல்லிக்கொள்கிறோம்.

எங்கள் சந்தோசத்தை பகிரவும் எங்களை ஒன்றிணைத்த இந்த பதிவுலகிற்கு நாங்கள் ஏதாவது திருப்பி செய்யும் வாய்ப்பாகவும் கருதித்தான் இந்த டெரர் கும்மி விருதுகளை அறிவித்தோம். நாங்கள் எதிர்பார்த்ததுக்கும் மேலாக உங்கள் ஆதரவினை எங்களுக்கு தந்து எங்களை உற்சாகப்படுத்தியுள்ளீர்கள். இந்த ஊக்கமும் உற்சாகமும் எங்களை மேலும் புத்துணர்ச்சியோடு செயல்படவைக்கும்  என்பதில் எந்த சந்தேகமும் இல்லை.

இந்த போட்டியை முடிவு செய்த உடனே நாங்கள் ஏற்கனவே சொன்னதுபோல் இதில் எந்தவித ஒளிவு மறைவும் இருக்ககூடாது என்று முடிவு செய்தோம். மேலும் ஒவ்வொரு பிரிவுக்கும் சிறந்த நடுவர்களை கொண்டு தேர்ந்தெடுக்க வேண்டும் என்றும் அந்த நடுவர்களும் பதிவுகளை பதிவர்களின் எந்த அடையாளமும் இல்லாமல் படித்து தேர்வு செய்யவேண்டும் என்று ஆரம்பத்திலே முடிவு செய்துவிட்டோம். அதற்காக எங்கள் குழுவின் தொழிநுட்ப வல்லுனர்களின் உழைப்பு அளவிடமுடியாதது.

போட்டிக்கு விளம்பர உதவி செய்த யுடான்ஸ் திரட்டிக்கு எங்கள் சிறப்பு நன்றிகள்.

நாங்கள் முன்பே சொன்னதுபோல ஒன்பது பிரிவுகளை தவிர்த்து ஹால் ஆஃப் ஃபேம் பிரிவு மட்டும் டெரர் கும்மி நண்பர்களால் தேர்ந்தெடுக்கப்பட்டது. இதற்கும் கடுமையான போட்டியே இருந்தது  என்று சொல்லலாம். இறுதிகட்டமாக மூன்று பதிவர்கள் வந்தார்கள். அவர்களில் ஒருவரைத்தான் நாங்கள் தேர்ந்தெடுத்துள்ளோம். அவரை நீங்களும் ஏற்றுக்கொள்வீர்கள் என்றே நம்புகிறோம்.

சரி.. வரலாறு போதும் முடிவுகளை சொல்லுங்கள் என்கிறீர்களா? அதுவும் சரிதான்... பிரிவு வாரியாக முடிவுகளும் அந்த பிரிவுகளுக்கு யார் யார் நடுவர்களாக இருந்தார்கள் என்பதையும்  கீழே வரிசையாக கொடுத்துள்ளோம். தேர்ந்தெடுக்கப்பட்ட அனைவருக்கும் எங்கள் டெரர் கும்மி சார்பாக வாழ்த்துக்களைத்  தெரிவித்துக்கொள்கிறோம். பரிசுகளை எவ்வாறு பெற்றுக்கொள்ளலாம் என்ற விபரங்களோடு வெற்றி பெற்றவர்களை விரைவில் தொடர்புகொள்கிறோம். போட்டியில் கலந்து கொண்ட அனைவருக்கும் மீண்டும் ஒரு முறை எங்கள் நன்றிகளை தெரிவித்துக்கொள்கிறோம்.

1. அனுபவம்/ பயணக்கட்டுரை பிரிவு

இந்தப்பிரிவில் போட்டிக்கு இணைக்கப்பட்ட மொத்தப்பதிவுகளின் எண்ணிக்கை 64. இவற்றில் விதிமுறைகளுக்கு ஒவ்வாமல் போட்டியில் இருந்து ஏழு பதிவுகள் நீக்கப்பட்டு 57 பதிவுகள் மட்டுமே பரிசீலனைக்கு எடுத்துக்கொள்ளப்பட்டது. இவற்றில் நடுவர்களால் சிறந்த பதிவுகளாக தேர்ந்தெடுக்கப்பட்டு டெரர் கும்மி விருதினைப்பெறும் அந்தப்பதிவுகள்.

முதல் பரிசு -பதிவு: யுத்தபூமியில் என் இறுதிநாள்.(நினைவேட்டின் அழிக்கமுடியாத பக்கங்கள்)

                                         பதிவர்: சுவடுகள் 

இரண்டாம் பரிசு -  பதிவு: இலங்கையின் இயற்கை கொடை

                                        பதிவர்: என்னைத்தேடி...ஸ்ரீ

இந்த பிரிவிற்கு நடுவர்களாக இருந்து சிறந்த பதிவுகளை தேர்ந்தெடுத்து கொடுத்த கொஞ்சம் வெட்டிப்பேச்சு திருமதி.சித்ராஅவர்களுக்கும் நிழல்காலத்தில் திரு.சிவா அவர்களுக்கும் எங்கள் குழுவின் சார்பாகவும் தேர்ந்தெடுக்கப்பட்ட பதிவர்களின் சார்பாகவும் நன்றிகளை தெரிவித்துக்கொள்கிறோம்.

2. அரசியல் பிரிவு

இந்தப்பிரிவில் போட்டிக்கு இணைக்கப்பட்ட மொத்தப்பதிவுகளின் எண்ணிக்கை 17. இவற்றில் விதிமுறைகளுக்கு ஒவ்வாமல் போட்டியில் இருந்து மூன்று பதிவுகள் நீக்கப்பட்டு 14 பதிவுகள் மட்டுமே பரிசீலனைக்கு எடுத்துக்கொள்ளப்பட்டது. இவற்றில் நடுவர்களால் சிறந்த பதிவுகளாக தேர்ந்தெடுக்கப்பட்டு டெரர் கும்மி விருதினைப்பெறும் அந்தப்பதிவுகள்.

முதல் பரிசு -            பதிவு: அவர்கள் அறியாமையிலேயே இருக்கட்டும்

                                        பதிவர்: ஜானகிராமன்

இரண்டாம் பரிசு - பதிவு: டேம் 999:- மலையாள இனவெறியின் அடையாளம்!

                                       பதிவர்: சூறாவளி

இந்த பிரிவிற்கு நடுவர்களாக இருந்து சிறந்த பதிவுகளை தேர்ந்தெடுத்து கொடுத்த தேவியர் இல்லம் திரு. ஜோதிஜி அவர்களுக்கும் திரு. கே.ஆர்.பி. செந்தில் அவர்களுக்கும் எங்கள் குழுவின் சார்பாகவும் தேர்ந்தெடுக்கப்பட்ட பதிவர்களின் சார்பாகவும் நன்றிகளை தெரிவித்துக்கொள்கிறோம்.

3. கதைகள் பிரிவு

இந்தப்பிரிவில் போட்டிக்கு இணைக்கப்பட்ட மொத்தப்பதிவுகளின் எண்ணிக்கை 37. இவற்றில் விதிமுறைகளுக்கு ஒவ்வாமல் போட்டியில் இருந்து ஒரே பதிவு மட்டும் நீக்கப்பட்டு 36 பதிவுகள் மட்டுமே பரிசீலனைக்கு எடுத்துக்கொள்ளப்பட்டது. இவற்றில் நடுவர்களால் சிறந்த பதிவுகளாக தேர்ந்தெடுக்கப்பட்டு டெரர் கும்மி விருதினைப்பெறும் அந்தப்பதிவுகள்.

முதல் பரிசு -         பதிவு: நாமிருவர்

                                       பதிவர்: சுபத்ரா 

இரண்டாம் பரிசு -  பதிவு: பத்து ரூபாய் ஞானி!

                                       பதிவர்: வே.சுப்ரமணியன்

 

இந்த பிரிவிற்கு நடுவர்களாக இருந்து சிறந்த பதிவுகளை தேர்ந்தெடுத்து கொடுத்த பரிசல்காரன் அவர்களுக்கும் திரு. ஆர்.வி.எஸ். அவர்களுக்கும் எங்கள் குழுவின் சார்பாகவும் தேர்ந்தெடுக்கப்பட்ட பதிவர்களின் சார்பாகவும் நன்றிகளை தெரிவித்துக்கொள்கிறோம்.

4. கவிதைகள் பிரிவு

இந்தப்பிரிவில் போட்டிக்கு இணைக்கப்பட்ட மொத்தப்பதிவுகளின் எண்ணிக்கை 45. இவற்றில் விதிமுறைகளுக்கு ஒவ்வாமல் போட்டியில் இருந்து ஒரே பதிவு மட்டும் நீக்கப்பட்டு 44 பதிவுகள் மட்டுமே பரிசீலனைக்கு எடுத்துக்கொள்ளப்பட்டது. இவற்றில் நடுவர்களால் சிறந்த பதிவுகளாக தேர்ந்தெடுக்கப்பட்டு டெரர் கும்மி விருதினைப்பெறும் அந்தப்பதிவுகள்.

முதல் பரிசு  -           பதிவு: பொருந்தாமல் நிற்கும் இந்த தலைப்பு !

                                         பதிவர்: வி.பாலக்குமார் 

இரண்டாம் பரிசு -   பதிவு: போராளி....!

                                           பதிவர்: dheva 

இந்த பிரிவிற்கு நடுவர்களாக இருந்து சிறந்த பதிவுகளை தேர்ந்தெடுத்து கொடுத்த திரு.நேசமித்திரன் அவர்களுக்கும் திரு.தமிழ்க்காதலன்  அவர்களுக்கும் எங்கள் குழுவின் சார்பாகவும் தேர்ந்தெடுக்கப்பட்ட பதிவர்களின் சார்பாகவும் நன்றிகளை தெரிவித்துக்கொள்கிறோம்.

5. திரைவிமர்சனம் பிரிவு

இந்தப்பிரிவில் போட்டிக்கு இணைக்கப்பட்ட மொத்தப்பதிவுகளின் எண்ணிக்கை 26. இவற்றில் விதிமுறைகளுக்கு ஒவ்வாமல் போட்டியில் இருந்து இரண்டு  பதிவுகள்  நீக்கப்பட்டு 24 பதிவுகள் மட்டுமே பரிசீலனைக்கு எடுத்துக்கொள்ளப்பட்டது. இவற்றில் நடுவர்களால் சிறந்த பதிவுகளாக தேர்ந்தெடுக்கப்பட்டு டெரர் கும்மி விருதினைப்பெறும் அந்தப்பதிவுகள்.

முதல் பரிசு -                   பதிவு: வாகை சூட வா - திரைப்பார்வை

                                                 பதிவர்: கார்த்திகைப் பாண்டியன் 

இரண்டாம் பரிசு  -            பதிவு: Have a break Selva!

                                                     பதிவர்: கார்க்கி  

இந்த பிரிவிற்கு நடுவர்களாக இருந்து சிறந்த பதிவுகளை தேர்ந்தெடுத்து கொடுத்த திரு.கேபிள் சங்கர் அவர்களுக்கும் திரு.கருந்தேள் ராஜேஷ் அவர்களுக்கும் எங்கள் குழுவின் சார்பாகவும் தேர்ந்தெடுக்கப்பட்ட பதிவர்களின் சார்பாகவும் நன்றிகளை தெரிவித்துக்கொள்கிறோம்.

6. அறிவியல்/தொழில்நுட்பம் பிரிவு

இந்தப்பிரிவில் போட்டிக்கு இணைக்கப்பட்ட மொத்தப்பதிவுகளின் எண்ணிக்கை 20. இவற்றில் விதிமுறைகளுக்கு ஒவ்வாமல் போட்டியில் இருந்து ஒரு பதிவு மட்டும் நீக்கப்பட்டு 19 பதிவுகள் மட்டுமே பரிசீலனைக்கு எடுத்துக்கொள்ளப்பட்டது. இவற்றில் நடுவர்களால் சிறந்த பதிவுகளாக தேர்ந்தெடுக்கப்பட்டு டெரர் கும்மி விருதினைப்பெறும் அந்தப்பதிவுகள்

முதல் பரிசு -            பதிவு: பிளாக் பெர்ரியும்.. ஸ்மார்ட் போன்களும்..

                                         பதிவர்: பதிவுலகில் பாபு 

இரண்டாம் பரிசு -      பதிவு: பரிணாமதுக்கும் பாசத்துக்கும் என்ன சம்பந்தம் ?

                                                       பதிவர்:  Dr.Dolittle  

இந்த பிரிவிற்கு நடுவர்களாக இருந்து சிறந்த பதிவுகளை தேர்ந்தெடுத்து கொடுத்த புரியாத கிறுக்கல்கள் திரு. ஜி.எஸ்.ஆர் அவர்களுக்கும் கிரி பக்கங்கள் திரு.கிரி அவர்களுக்கும் எங்கள் குழுவின் சார்பாகவும் தேர்ந்தெடுக்கப்பட்ட பதிவர்களின் சார்பாகவும் நன்றிகளை தெரிவித்துக்கொள்கிறோம்.

7. நகைச்சுவைப் பிரிவு

இந்தப்பிரிவில் போட்டிக்கு இணைக்கப்பட்ட மொத்தப்பதிவுகளின் எண்ணிக்கை 36. இவற்றில் விதிமுறைகளுக்கு ஒவ்வாமல் போட்டியில் இருந்து மூன்று பதிவுகள்  நீக்கப்பட்டு 33 பதிவுகள் மட்டுமே பரிசீலனைக்கு எடுத்துக்கொள்ளப்பட்டது. இவற்றில் நடுவர்களால் சிறந்த பதிவுகளாக தேர்ந்தெடுக்கப்பட்டு டெரர் கும்மி விருதினைப்பெறும் அந்தப்பதிவுகள்

முதல் பரிசு -              பதிவு: NRI கொசுத்தொல்லைகள்

                                            பதிவர்: ILA(@)இளா 

இரண்டாம் பரிசு  -     பதிவு: வெடி - உலகப்படங்களின் உச்சம்!

                                             பதிவர்: சிவகுமார் ! 

இந்த பிரிவிற்கு நடுவர்களாக இருந்து சிறந்த பதிவுகளை தேர்ந்தெடுத்து கொடுத்த திரு.கந்ததாசன் ப்ளஸ் அவர்களுக்கும் திரு. குசும்பன் சரவணன் அவர்களுக்கும் எங்கள் குழுவின் சார்பாகவும் தேர்ந்தெடுக்கப்பட்ட பதிவர்களின் சார்பாகவும் நன்றிகளை தெரிவித்துக்கொள்கிறோம்.

8. விழிப்புணர்வு பிரிவு

இந்தப்பிரிவில் போட்டிக்கு இணைக்கப்பட்ட மொத்தப்பதிவுகளின் எண்ணிக்கை 52. இவற்றில் விதிமுறைகளுக்கு ஒவ்வாமல் போட்டியில் இருந்து 8 பதிவுகள்  நீக்கப்பட்டு 44 பதிவுகள் மட்டுமே பரிசீலனைக்கு எடுத்துக்கொள்ளப்பட்டது. இவற்றில் நடுவர்களால் சிறந்த பதிவுகளாக தேர்ந்தெடுக்கப்பட்டு டெரர் கும்மி விருதினைப்பெறும் அந்தப்பதிவுகள்.

முதல் பரிசு -                பதிவு: இயற்கையைக் காப்போம்

                                              பதிவர்: செல்விஷங்கர் 

 

இரண்டாம் பரிசு  -      பதிவு: சைபர் க்ரைம் - ஒரு பார்வை

                                               பதிவர்: Abdul Basith  

 

இந்த பிரிவிற்கு நடுவர்களாக இருந்து சிறந்த பதிவுகளை தேர்ந்தெடுத்து கொடுத்த திரு. சீனாஐயா  அவர்களுக்கும் திரு.புதுகை அப்துல்லா  அவர்களுக்கும் எங்கள் குழுவின் சார்பாகவும் தேர்ந்தெடுக்கப்பட்ட பதிவர்களின் சார்பாகவும் நன்றிகளை தெரிவித்துக்கொள்கிறோம்.

9. சிறந்த புதிய பதிவர் பிரிவு 

இந்தப்பிரிவில் போட்டிக்கு தங்கள் தளங்களை இணைத்த பதிவர்களின்  எண்ணிக்கை 30. இவற்றில் விதிமுறைகளுக்கு ஒவ்வாமல் போட்டியில் இருந்து 7 தளங்கள்  நீக்கப்பட்டு 23 தளங்கள் மட்டுமே பரிசீலனைக்கு எடுத்துக்கொள்ளப்பட்டது. இவற்றில் நடுவர்களால் சிறந்த தளங்களாக  தேர்ந்தெடுக்கப்பட்டு டெரர் கும்மி விருதினைப்பெறும் அந்தத் தளங்கள்.

முதல் பரிசு -         பதிவர்: ஜேகே
                                       வலைப்பூ: வேலிகள் தொலைத்த ஒரு படலையின் கதை!

இரண்டாம் பரிசு - பதிவர்: யுவராணி தமிழரசன்
                                        வலைப்பூ: கிறுக்கல்கள்...

 

இந்த பிரிவிற்கு நடுவர்களாக இருந்து சிறந்த பதிவுகளை தேர்ந்தெடுத்து கொடுத்த திரு. கே.வி.ஆர்  அவர்களுக்கும் திரு.விந்தை மனிதன் ராஜாராம் அவர்களுக்கும் எங்கள் குழுவின் சார்பாகவும் தேர்ந்தெடுக்கப்பட்ட பதிவர்களின் சார்பாகவும் நன்றிகளை தெரிவித்துக்கொள்கிறோம்.

10. HALL OF FAME BLOGGER

நாங்கள் விருதுகள் அறிவிப்பிலே சொன்னதுபோல இது முழுக்க முழுக்க டெரர் கும்மி நண்பர்களால் தேர்ந்தெடுக்கப்பட்டது. இதற்கும் நாங்கள் தனி வரைமுறையே வைத்திருந்தோம். இதற்கென தனி படிவம்  தயார்  செய்து அதில் பரிந்துரை செய்யும் பதிவர், காரணம்.அவரின் சிறந்த பதிவுகளாக கருதுபவையின் லிங்க் அனைத்தையும் வாங்கினோம்.முக்கியமாக ஒருவர் பரிந்துரைப்பது அடுத்தவருக்கு தெரியாத வண்ணம் பார்துகொண்டோம்.

இவ்வாறு பல கட்ட விவாதங்களுக்கு பிறகு டெரர் கும்மி நண்பர்களால் ஒருமனதாக தேர்ந்தெடுக்கப்பட்ட அந்த HALL OF FAME BLOGGER

வானம் தாண்டிய சிறகுகள் என்ற வலைப்பூவில் எழுதிவரும் பதிவர் ஜீ

தேர்ந்தெடுக்கப்பட்ட அனைவருக்கும் எங்களது வாழ்த்துக்கள். இவர்களுக்கு முதல்பரிசாக ரூபாய் 600 க்கான புத்தக  கூப்பனும், இரண்டாம் பரிசாக ரூபாய் 400 க்கான புத்தக  கூப்பனும் வழங்கப்படும்.Hall Of Fame Blogger பிரிவில் தேர்ந்தெடுக்கபட்டவருக்கு ரூபாய் 1000 மதிப்பிலான புத்தகக் கூப்பன் வழங்கப்படும்.பரிசு கூப்பன்கள் அனைத்தும் டிஸ்கவரி புக் பேலஸ் மூலம் வழங்கப்படும். புத்தகங்களை எப்படி வாங்குவது என்ற விபரங்களுடனும் விருதுக்கான லோகோ கோடிங்குடனும் வெற்றி பெற்றவர்களை விரைவில் தொடர்புகொள்கிறோம்.

அனைவருக்கும் நன்றி.

டெரர் கும்மி விருதுகள் 2011 - பதிவுகளை இணைக்க இன்றே கடைசி தினம்!

அனைவருக்கும் வணக்கம்,

ஒரு சந்தோஷ தருணத்தில் நாங்கள் அறிவித்த டெரர் கும்மி விருதுகள் 2011 உங்களின் அமோக ஆதரவோடு முடிவுகளை நோக்கி சென்றுகொண்டிருக்கிறது. இதுவரை ஆதரவளித்த ஆதரவு அளித்துக்கொண்டிருக்கும் அனைவருக்கும் எங்கள் நன்றிகள். பதிவுகளை இணைப்பதற்கு ஜனவரி 10 ம் தேதி வரை காலக்கெடு என்று சொல்லியிருந்தோம். அந்த காலக்கெடு இன்றோடு முடிவடைகிறது. அதற்கான ஒரு சின்ன நினைவூட்டல்தான் இந்த அறிவிப்பு. இதுவரை பதிவுகளை இணைக்காதவர்கள் முடிந்தவரை இன்றைக்குள் இணைப்பதற்கு முயற்சி செய்யுங்கள்.

சிலருக்கு பதிவு செய்வதிலோ அல்லது பதிவுகளை இணைப்பதிலோ சில பிரச்சனைகளை சொன்னார்கள். அவர்களுக்கு உதவிகளையும் ஆலோசனைகளையும் தனி மின்மடலில் அளித்துக்கொண்டு இருக்கிறோம். அதே போல் இன்றைக்கும் இதுபோல நீங்கள் பிரச்சனைகளை எதிர்கொண்டால் தயங்காமல் எங்களுக்கு மின்மடல் அனுப்புங்கள்.

மின்னஞ்சல் அனுப்புவதற்கு முன் கவனிக்கவும்.

 

//Unxpected error occoured//
//cannot complete your request//

////We have faced an unexpected situation. Please try again! ///////
//Time delay//

இது போன்ற Error Messages வந்தால் தயவு செய்து ஹோம் பேஜ்க்கு மீண்டு சென்று லாகின் செய்யவும் அல்லது.... அந்த Browser tabஐ மூடிவிட்டு புதியதாக ஒரு பேஜ்ஜில் லாகின் செய்யவும். நன்றி.

உங்களுக்கான மின்னஞ்சல் முகவரிகள்.

terrorkummi@gmail.com

contest_2011@terrorkummi.com

பதிவுகளை இணைப்பதற்கு முன் சிரமம் பாராமல் இந்த விதிமுறைகளை படித்துவிட்டு உங்கள் பதிவுகளை இணையுங்கள். உங்களுடைய வெற்றிக்கு எங்கள் வாழ்த்துக்களை தெரிவித்துக்கொண்டு மீண்டும் ஒரு நல்ல பொழுதில் உங்களை சந்திக்கிறோம். நன்றி.

டெரர் கும்மி நண்பர்கள்.

                          பதிவுகளை இணைப்பதற்கு இங்கே அழுத்துங்கள்.

    

டெரர் கும்மி விருதுகள் 2011 - சில அப்டேட்ஸ்.

அனைவருக்கும் வணக்கம்,

டெரர் கும்மி நண்பர்களின் சார்பில் அனைவருக்கும் இனிய புத்தாண்டு வாழ்த்துக்கள். அனைவருக்கும் கடந்தகால கால கசப்புகள் மறந்து இனிமையான நினைவுகளோடு இருக்க எல்லோரும் வணங்கும் இறைவனை வேண்டிக்கொள்கிறோம். நாங்கள் அறிவித்த டெரர் கும்மி விருதுகள் 2011 க்கு நீங்கள் அளித்துவரும் ஆதரவிற்கு மிகவும் நன்றி. பலரும் தங்கள் படைப்புகளை விருதுகளுக்கு பதிவுசெய்து  வருகின்றனர். அவர்களுக்கெல்லாம் எங்கள் நன்றிகள்.

படைப்புகளை இணைக்க இன்னும் குறைந்த அளவே கால அவகாசம் உள்ளது. அதாவது ஜனவரி 10 - ம் தேதி வரை இணைக்கப்படும் பதிவுகள்தான் பரிசீலனைக்கு ஏற்றுக்கொள்ளப்படும். இதுவரை பதிவுகளை இணைக்காதவர்கள் கூடுமானவரை விரைவாக தங்கள் பதிவுகளை இணைக்க முயற்சி செய்யுங்கள். உங்கள் பெயரை பதிவு செய்வதில் அல்லது பதிவுகளை இணைப்பதில் ஏதேனும் சந்தேகம் அல்லது குழப்பம் இருந்தால் தயங்காமல் எங்களை தொடர்புகொள்ளுங்கள். உங்களுக்கு உதவுவதற்காக காத்திருக்கிறோம். நீங்கள் கருதுரைகளில் கேட்க்கலாம் அல்லது கீழே கொடுக்கப்பட்டுள்ள மின்னஞ்சல் முகவரிகளில் எதில் வேண்டுமானாலும் தொடர்பு கொள்ளுங்கள்.

terrorkummi@gmail.com

contest_2011@terrorkummi.com

இந்த நேரத்தில் எங்கள் டெரர் கும்மி விருதுகள் இணைப்பை தங்கள் முகப்பில் வைத்து எங்களை கௌரவப்படுத்திய யுடான்ஸ் திரட்டி நிர்வாகிகளுக்கு எங்கள் நன்றிகள். மேலும் டெரர் கும்மி விருதினைப்பற்றி தங்கள் வலைப்பதிவில் எழுதிய பல நண்பர்களுக்கும் எங்கள் சிரம் தாழ்ந்த நன்றிகள்.  கால அவகாசம் குறைவாக இருப்பதால் இன்னும் இணைக்காமல்  இருக்கும் நண்பர்கள் உடனே தங்கள் பதிவுகளை இணைக்கவும். அப்படி நீங்கள் இணைத்துவிட்டால் உங்கள் நண்பர்களிடமும் சொல்லி அவர்களையும் ஊக்கப்படுத்தவும். நல்லதொரு பொழுதில் மீண்டும் உங்களை சந்திக்கிறோம். நன்றி.

           

                          பதிவுகளை இணைக்க இந்த இணைப்பை அழுத்தவும்.

    

டெரர் கும்மி விருதுகள் 2011 - இன்றுமுதல் பதிவுகளை இணைக்கலாம்!

அனைவருக்கும் வணக்கம்,

ஒரு இனிமையான பொழுதில் மீண்டும் உங்களை சந்திப்பதில் மிக்க மகிழ்ச்சி. முதல் முறையாக இதைப் படிப்பவர்கள் சிரமம் பாராமல் டெரர் கும்மி விருதுகள் அறிவிப்பு மற்றும் டெரர் கும்மி விருதுகள் போட்டி விதிமுறைகள் ஆகிய இரண்டு பதிவுகளையும்  படித்துவிட்டு இதை தொடருங்கள். நாங்கள் ஏற்கனவே அறிவித்தபடி இன்று டிசம்பர்  26-ம் தேதி உங்கள் பதிவுகளை இணைப்பதற்கான அறிவிப்போடு வந்துள்ளோம்.

முதலில் நாங்கள் கொடுக்கும் இணைப்பை தொடுத்து எங்கள் போட்டிக்கான தளத்தை திறந்துகொள்ளுங்கள். அதில் உங்கள் மின்னஞ்சல் முகவரி கொடுத்து முதலில் பதிவு செய்து கொள்ளுங்கள். உங்களுடைய பதிவு ( ரெஜிஸ்டர் ) ஏற்றுக்கொள்ளப்பட்டுவிட்டால் விரைவில் உங்களுக்கு ஆக்டிவேசன் லிங்க் அனுப்பப்படும் என்ற தகவல் ( மெசேஜ் ) வரும். உங்கள் மின்னச்சல் முகவரிக்கு அந்த லிங்க் வரும்வரை தயவுசெய்து காத்திருங்கள். எதற்கும் உங்களுடைய ஸ்பேம் அல்லது ஜங்க் மெயிலையும் சோதனை செய்துகொள்ளுங்கள். மின்னஞ்சலில் ஆக்டிவேசன் லிங்க் கிடைக்கப்பட்டு அதை அழுத்தினால் நீங்கள் இப்போது பதிவுகளை இணைப்பதற்கு தயாராகிவிட்டீர்கள் என்று அர்த்தம்.

பதிவுகளை இணைப்பதற்கு இரண்டு பிரிவுகளாக வைத்துள்ளோம். பொதுப்பிரிவில் நீங்கள் விதிமுறைகளுக்கு உட்பட்ட மூன்று பதிவுகளை மட்டுமே இணைக்கமுடியும். அடுத்து புதுமுக பதிவர்களுக்கான பிரிவு. இதில் அவர்களின் சிறந்த பதிவாகக் கருதும் மூன்று பதிவுகளை இணைக்கலாம். மேலும் புதுமுக பதிவர்கள் மட்டும் பொதுப்பிரிவில் இணைத்த பதிவுகளையும் புதுமுக பிரிவில் இணைக்கலாம். பதிவுகளைஇணைக்க கடைசி தேதி 2012 ஜனவரி 6 என்று விதிமுறைகளில் அறிவித்தோம். பல வாசகர்கள் தொடர்புகொண்டு விடுமுறை நாட்கள் அதிகம் வருவதால் கால அவகாசத்தை நீட்டிக்க சொன்னார்கள். அவர்களின் வேண்டுகோளுக்கு இணங்க 2012 ஜனவரி 10 வரை நீட்டிக்கப்படுகிறது. அதற்க்கு பிறகு இணைக்கப்படும் பதிவுகள் பரிசீலனைக்கு ஏற்றுக்கொள்ளப்படமாட்டாது. இதில் ஏதேனும் சந்தேகம் இருந்தால் எங்களுடைய விதிமுறைகள் பற்றிய பதிவை மீண்டும் ஒருமுறை படியுங்கள். இதையும் மீறி ஏதேனும் சந்தேகம் அல்லது பதிவு செய்வதில் ( ரெஜிஸ்டர் ) பதிவுகளை இணைப்பதில் பிரச்னை அல்லது குழப்பம் இருந்தால் தயங்காமல் கருத்துரைகளில் கேளுங்கள் அல்லது  contest_2011@terrorkummi.com  என்ற மின்னஞ்சல் முகவரிக்கு உங்கள் கேள்விகளை அனுப்புங்கள்.உங்களுக்கு  உதவுவதற்காக நாங்கள் காத்திருக்கிறோம்.

இப்போது நீங்கள் செய்ய வேண்டியது சுலபமான  ஒன்றுதான். கீழே கொடுக்கப்பட்டிருக்கும்  இணைப்பை பயன்படுத்தி எந்த பிரிவில் உங்கள் பதிவுகளை இணைக்கப்போகிறீர்கள் என்று தேர்வு செய்து உங்கள்  பதிவுகளைஇணைக்கவும். இணைப்பதற்கு முன் ஒரு முறைக்கு இரு முறை சரியான பிரிவில் சரியான பதிவை இணைக்கிறீர்களா என்று உறுதிப்படுத்திக்கொள்ளுங்கள், ஏனென்றால் ஒருமுறை  இணைத்த பதிவை மறுமுறை மாற்ற இயலாது. மீண்டும் அனைவருக்கும் வாழ்த்துக்களை கூறிக்கொண்டு தொடர்ந்து உங்களோடு இணைந்திருக்கிறோம். நன்றி.

                                                                                      

                            "பதிவுகளை இணைக்க இங்கே அழுத்துங்கள்" 

டெரர் கும்மி விருதுகள் 2011 - போட்டி தேதி, விதிமுறைகள்.

அனைவருக்கும் வணக்கம்,

கடந்தவாரம் ஞாயிற்று கிழமை எங்கள் டெரர் கும்மியின் ஓராண்டு நிறைவை ஒட்டி நாங்கள் அறிவித்த டெரர் கும்மி விருதுகள் 2011 முயற்சிக்கு நீங்கள் அளித்துவரும்  ஆதரவிற்கு மிகவும் நன்றி. அதோடு  எங்கள் டெரர் கும்மி இரண்டாம் ஆண்டில் அடிவைப்பதற்கும் வாழ்த்துக்கள் கூறிய  சொன்ன அன்பு உள்ளங்கள் அனைவருக்கும் நன்றி.ஒருவித தயக்கத்துடன்தான் இந்த விருதுகள் அறிவிப்பை அறிவித்தோம்,ஆனால் நீங்கள் தந்த/தந்துகொண்டிருக்கும் ஆதரவு எங்களை மேலும் உற்சாகப்படுத்துகிறது. பல நண்பர்கள் கருத்துரைகளிலும், மின் மடலிலும் மற்றும் தொலைபேசியிலும் தொடர்பு கொண்டு தங்கள் யோசனைகளையும் சொன்னார்கள் அவர்களுக்கு எங்களது நன்றிகள். பலபேர் எங்களிடம் சொன்ன ஒரு யோசனை விருதுகளின் பிரிவை அதிகப்படுத்துவது,  அதோடுமட்டுமல்லாது  அவர்களே பல பிரிவுகளையும் சொன்னார்கள்.  கண்டிப்பாக அவற்றையெல்லாம் புறந்தள்ளாமல் எடுத்துக்கொள்கிறோம்.

எங்கள் ஆண்டு நிறைவையே நாங்கள் மறந்திருந்த வேளையில் திடீரென்று நண்பர்களால் நினைவுபடுத்தப்பட்டு அந்த சந்தோசத்தை உங்களோடு பகிரவே இதை ஏற்பாடு செய்தோம். கால அவகாசம் குறைவாக இருந்ததால் குறைவாகச் செய்தாலும் நிறைவாக செய்யவேண்டும் என்பதற்காக இந்த வருடம் இந்த பிரிவுகளை மட்டும் முடிவு செய்தோம். இனி வரும் ஆண்டுகளில் உங்கள் யோசனைப்படியே இன்னும் பிரமாண்டமாய் செய்வதற்கு எங்கள் முயற்சிகள் தொடரும் என்று இந்த வேளையில் சொல்லிக்கொள்கிறோம். போட்டிக்கு உங்கள் பதிவுகளை இணைப்பதற்கென்று எங்கள் நடுவர்களின் யோசனைகளுடன் சில விதிமுறைகளை வகுத்துள்ளோம். தகுதியான பதிவை தேர்ந்தெடுக்க மட்டுமே இந்த விதிமுறைகள் என்ற உங்கள் புரிதலுக்கு நன்றி.

போட்டிக்கான விதிமுறைகள்.

1. போட்டிக்கு இணைக்கப்படும் பதிவுகள் முழுக்க முழுக்கத் தமிழில் மட்டுமே இருக்கவேண்டும். . ஆகவே தமிழில் எழுதும்  அனைத்துப்  பதிவர்களும்  இதில் கலந்துகொள்ளலாம்.

2. இணைக்கப்படும் பதிவுகள் 2011 ஜனவரி முதல் தேதியில் இருந்து 2011 டிசம்பர் 31 வரை உள்ள இடைப்பட்ட காலத்தில் வெளிவந்ததாக இருக்கவேண்டும்.

3. இணைக்கப்படும் பதிவுகள் போட்டியாளர் தன் சொந்த வலைப்பதிவில் எழுதியதாக இருக்கவேண்டும், குழும பதிவுகளுக்கு அனுமதி இல்லை மேலும் குழுமமாக செயல்படும் தளத்தில் வெளிவந்த தனிநபர் பதிவுகளுக்கும் அனுமதி இல்லை.

4. ஒரு போட்டியாளர் ஒரு பிரிவுக்கு ஒரு பதிவு மட்டுமே இணைக்கலாம். அதிக பட்சமாக மூன்று  பிரிவுகளுக்கு தங்கள் பதிவுகளை இணைக்கலாம்.

5. போட்டியாளரின் விபரங்கள் நடுவர்களுக்கு கொடுக்கப்படமாட்டாது, பதிவுகள் மட்டுமே நடுவர்களின் பரிசீலனைக்கு அனுப்பப்படும்.

6. இணைக்கப்பட்ட பதிவுகளை பற்றியோ அல்லது மற்ற பதிவுகள் பற்றிய விபரங்கள் அறியவோ டெரர் கும்மி உறுப்பினர்களுடன் எந்த தொடர்பும் ஏற்றுக்கொள்ளப்படமாட்டாது.

7. போட்டியாளர்கள் போட்டி சம்பந்தமாக நடுவர்கள் யாரையும் தொடர்பு கொண்டால் போட்டியில் இருந்து உடனடியாக எந்தவித முன்னறிவிப்பும் இன்றி போட்டியிலிருந்து நடுவர்களால் நீக்கப்படுவார்கள்.

8. போட்டியாளர்கள் தங்கள் சொந்தப் பதிவை மட்டுமே சமர்ப்பிக்க வேண்டும், மற்ற தளங்களில் இருந்து எடுக்கப்பட்ட பகிர்வுகள் ஏற்றுக் கொள்ளப் படமாட்டாது.

9. ஒரு நபருக்கு அதிகபட்சமாக 2 வலைப்பூக்களை மட்டுமே அனுமதிக்கபடும், வலைப்பூக்கள் நவம்பர் 30, 2011 க்கு முன்பு தொடங்கப்பட்டிருக்க வேண்டும்.

10.  புதுமுக பதிவர் பிரிவிற்கு இணைக்கப்படும் வலைத்தளங்கள்  2011 ஆம் வருடம் தொடங்கப்பட்டதாக இருக்க வேண்டும்.  மேலும் சம்பந்தப்பட்ட பதிவர் வலையுலகிற்கும் புதியவராக இருத்தல் வேண்டும், ஏற்கனவே வலையுலகில் எழுதிகொண்டிருக்கும் பதிவர்கள் கடந்த வருடத்தில் புதிதாக ஒரு வலைத்தளம் உருவாக்கியிருந்தால் அது புதுமுக பதிவர் பிரிவில் ஏற்றுக்கொள்ளபடமாட்டாது.

11. புதுமுக பதிவர்களை ஊக்கப்படுத்தும் விதமாக அவர்கள் 3 பொது பிரிவுகளில் தலா ஒரு பதிவையும் புதுமுகபிரிவில் தங்கள் சிறந்த மூன்று பதிவுகளையும் இணைக்க அனுமதிக்கப்படுகிறது. அதாவது புதுமுக பதிவர்கள் மட்டும் அதிகப்ட்சமாக 4 பிரிவுகளில் கலந்து கொள்ளலாம்.

12. இணைக்கும் பதிவுகளில் கூடுமானவரை தீவிர தனிமனித தாக்குதல், ஜாதி மத துவேசம், ஊனமுற்றவர்களை கிண்டல் செய்வது இவையெல்லாம் இல்லாமல் இருப்பது நலம்.

13. ஒருமுறை இணைத்த பதிவுகளை மறுபடியும் மாற்ற இயலாது. ஆகவே சரியான பிரிவில் சரியான பதிவை இணைத்துவிடுங்கள்.

14. போட்டிக்கு இணைப்பதற்கான சுட்டி டிசம்பர் 26ம் தேதி உங்களிடம் அறிமுகப்படுத்தப்படும், அன்றிலிருந்து ஜனவரி 6 ம் தேதி வரை இணைக்கப்படும் பதிவுகள் மட்டுமே பரிசீலனைக்கு ஏற்றுக்கொள்ளப்படும்.

15. போட்டியில் வெற்றி பெற்றவர்களுக்கு பரிசு புத்தக கூப்பனாக மட்டுமே வழங்கப்படும், ஒவ்வொரு பிரிவுக்கும் முதல் பரிசு ரூ.600 - க்கான கூப்பனும், இரண்டாம் பரிசு ரூ.400 - க்கான கூப்பனும் தபாலில் அனுப்பப்படும்.  ஹால் ஆஃப் ஃபேம் பதிவருக்கு மட்டும் ரூ.1000 மதிப்பிலான கூப்பன் வழங்கப்படும். வெற்றிபெறும் வெளிநாட்டில் உள்ள பதிவர்கள்  கண்டிப்பாக உள்ளூர் முகவரி தரவேண்டும். புத்தகங்கள் எப்படி வாங்குவது என்பதை முடிவு அறிவித்தவுடன் சொல்லுகிறோம்.

16. போட்டி சம்பந்தமான எந்த முடிவையும் முன்னறிவிப்பின்றி மாற்றவோ நிறுத்தவோ டெரர்கும்மிக்கு முழு அதிகாரம் உள்ளது. 

இந்த வேளையில்மற்றொன்றையும்  சொல்லிக்கொள்ள கடமைப்பட்டுள்ளோம், இந்த போட்டியில் நடுவர்களாக செயல்படும் யாரும் போட்டிக்கு தங்கள் பதிவை இணைக்கமாட்டார்கள். அனைத்து நடுவர்களுக்கும் மீண்டும் ஒருமுறை இங்கு நன்றி சொல்லிக்கொள்கிறோம். விதிமுறைகளில் அல்லது போட்டி சம்பந்தமான ஏதேனும் சந்தேகங்கள் இருந்தால் தயங்காமல் கருத்துரையிலோ அல்லது terrorkummi@gmail.com என்ற இந்த மின்னஞ்சல் முகவரிக்கு  தொடர்புகொள்ளுங்கள். போட்டியில் கலந்துகொள்ளப்போகும் அனைவருக்கும் வாழ்த்துக்களை கூறிக்கொண்டு விரைவில் பதிவுகளை  இணைப்பதற்கான அறிவிப்போடு உங்களை சந்திக்கிறோம்.