Hunt For Hint - விடைகள் + காமெடிகள் (1 - 5)

நண்பர்களே,

ஒரு வழியா "Hunt for Hint" கேமில் ஜெயிச்சவங்களுக்கு பரிசு காசோலை அனுப்பி வெச்சாச்சு. ஆனாலும், இன்னும் ஆர்வமா சிலர் விளையாடிட்டு இருக்காங்க. இந்த மாதிரி விளையாட்டுகளில் பரிசு வெல்வதைவிட அந்த கேமை முழுவதும் விளையாடி முடிப்பதில் தான் திரில் இருக்குது. 

இருந்தாலும் விடைகளை தெரிஞ்சிக்கற ஆர்வம் எல்லோருக்குமே இருப்பதை பார்க்க முடியுது. இப்பொ விளையாடிட்டு இருக்கவங்க ஆர்வத்தை கருத்தில் கொண்டு முதல் 5 கேள்விகள் உருவான விதத்தையும், எங்க எங்கலாம் க்ளூ இருந்துச்சு, எப்படி விடையை கண்டுபிடிகனும்னு சொல்லுறோம்.

Level 1:

இது ஒண்ணும் பெரிய கஷ்டமான லெவல் எல்லாம் இல்லைங்க, சிம்பிள் க்ளிக் தான்.... ஒரு கதவை போட்டு சாவிய கீழ வைக்கலாம். அதை கிளிக் செய்தா திறக்கற மாதிரி யோசிச்சோம்.... ஆனா, கடைசில இப்படி வந்து முடிஞ்சிடுச்சி....

Level 2:

டைட்டானிக் கப்பல், URL ல flower.aspx மற்றும் டைட்டில்ல Flower இப்படி க்ளூ குடுத்தும் சிலருக்கு விடையை எங்க போடுறதுனு தெரியலை. ஆன்சர் பொட்டிய தேடிட்டு இருந்தாங்க. About Games ல ரூல்ஸ்ல தெளிவா சொல்லி இருந்தோம். சில இடங்களில் URL மாத்தனும்னு. flower.aspxக்கு பதில் rose.aspx னு போடனும் அவ்வளோதான்.

அட Rose அந்த படத்துல ஹீரோயின் பேருங்க.

Level 3:

A,E,I,_,Q - இதுக்கு என்னங்க க்ளூ. டைட்டில், இமேஜ் பேரு letterனு கொடுத்தாச்சு, விடுபட்ட எழுத்தை கண்டுபிடிக்க வேண்டியதுதான். ஆனா சிலர் இதை A,E,I,O,U சேர்த்து வெச்சி குழப்பிக்கிடாங்க U வை காணோம் Q தான் இருக்குனு. A ல இருந்து அடுத்தடுத்த 3  எழுத்துக்கள் தான் இந்த sequence.

A,B,C,D,E,F,G,H,I,J,K,L,M,N,O,P,Q

M தாங்க விடை.

Level 4:

இது கொஞ்சம் கடினமா லெவல்தான். பலர் குழம்பினாங்க. சிலர் ரோடை கண்டுபிடிச்சும் மேல போக முடியலை. இது அப்போலோ டயர்ஸ் லோகோ.

இதுக்கு க்ளூவா இமேஜ், டைட்டில், URL பேரு எல்லாத்தையும் "DELPHI"னு கொடுத்து இருந்தோம். DELPHI என்பது கிரேக்க கடவுள் அப்போலோவை வணங்கும் இடம். இதை லீடா வெச்சி போகனும். இன்னும் ஒரு குறுக்குவழி இருக்கு. கூகுள்ல இமேஜ் சர்ச் அப்படினு ஒரு கான்செப்ட் இருக்கு அதை பயன்படுத்தி இருக்கலாம். அதை பற்றி இன்னும் நிறைய பேருக்கு தெரியலைனு நினைக்கறோம்.

Level 5:

இது ஒரு சுலபமான லெவல். FLIPனு க்ளூ கொடுத்துட்டு ஒரு Coin படத்தை போட்டோம் அதுல “H”னு தெளிவா எழுதியும் இருக்கு. H = Heads. Heads ஐ Flip செய்தால் Tails. Tails or Tail எதை போட்டாலும் அநத லெவல் முடிக்கலாம். பலர் இதுல குழம்பிட்டாங்க. இமேஜை Flip செய்ங்கனு சொல்லியும் சிலருக்கு புரியலை. ஆனாலும் ஒரு சுவாரசியமான் லெவல் இது. அது உலகபோப்பை பைனல்ல டாஸ் போட உபயோகிச்ச காயின். ICC siteல இருந்து எடுத்தோம்.

சில Bloopers:

கேமை விளையாடினவங்க விடையை கண்டுபிடிக்க எவ்வளோ கஷ்டபட்டாங்கனு எங்களுக்கு தெரியும். அவங்களோட கஷ்டம் டிஸ்கஷன் போரம்ல காண முடிஞ்சது. ஆனாலும் அவங்க அப்பாவியா கேட்ட சில விஷயங்கள், குழம்பின விஷயங்களை பார்க்கும் போது எங்களை மீறி சிரிப்பு வருது, ஒரு சின்ன விஷயம் இவ்வளோ குழப்புமானு? நீங்களே முதல் 5 கேள்விக்கு க்ளூ கேட்டு போட்ட கமெண்ட்டுகளை பாருங்களேன்... கூடவே நம்ம கும்மி டீமோட நக்கலும் :)
(இது நகைச்சுவைக்காக மட்டுமே, யார் மனதையும் புண்படுத்த அல்ல)